សេចក្តីបំភ្លឺព័ត៌មាន៖
-----------
ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបងមានកិត្តិយសសូមជម្រា បជូនសាធារណជនអ្នកសារព័ត៌ មាន និងមហាជនអ្នក ប្រើប្រាស់បណ្តាញសង្គមបានជ្រាបថា ក្នុងពេលដែល សមត្ថកិច្ចនគរបាលនៃស្នងការដ្ឋាននរបាលខេត្តបាត់ដំបងក្រោមការដឹកនាំបញ្ជាផ្ទាល់របស់លោកឧត្តមសេ នីយ៍ទោ សាត គឹមសាន ស្នងការនៃស្នងការដ្ឋាននគរ បាលខេត្តបាត់ដំបង កំពុងតាមចាប់ខ្លួនមុខ សញ្ញាជាជនសង័្សយក្នុងករណីឃា-ត-ក-ម្មកាលពីថ្ងៃទី០៦ ខែ កក្កដា ឆ្នាំ២០២៤ រហូតមកដល់ពេលនេះ មានព័ត៌មានជាច្រេីនបានលេចឡេីងនៅក្នុងបណ្តាញសង្គមថាជនសង័្សយរូបនេះមានវត្តមាននៅ ស្រុកនេះ ឬស្រុកនោះ ដែលព័ត៌មានទាំងនេះគឺជាព័ត៌មានមិនពិតហេីយបានបង្កទៅជាក្តីកង្វល់ និងភាន់ច្រឡំពីប្រជាពលរដ្ឋដែលរស់នៅតាមមូលដ្ឋានមួយចំនួនដែលព័ត៌មាននោះបានលេីកឡេីង ។
ដេីម្បីជាមូលដ្ឋានច្បាស់លាស់ចំពោះបញ្ហានេះលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បញ្ជាក់ជូនថា រហូតមកដល់ល្ងាចថ្ងៃទី១៣ខែកក្កដាឆ្នាំ២០២៤នេះមុខសញ្ញាជាជនសង័្សយខាងលេី កំពុងមានវត្តមាននៅក្នុងភូមិសាស្រ្ត ឃុំតាគ្រាម ស្រុកបាណន់នៅឡេីយទេ ពោល គឺមុខសញ្ញាមិនបានចាកចេញទៅក្រៅមូលដ្ឋានផ្សេងដូចប្រភពព័ត៌មានមួយចំនួនបានលេីកឡេីងនោះឡេីយ ។
ជាមួយនេះសមត្ថកិច្ចនៅតែបន្តការចូលរួមសហការណ៍ពីគ្រប់សមត្ថកិច្ចពាក់ព័ន្ធ អាជ្ញាធរមូលដ្ឋានប្រជាពលរដ្ឋដែល រស់នៅក្នុងមូលដ្ឋានខាងលើដេីម្បីឈានទៅធ្វើការចាប់ខ្លួនជនសង័្សយរូបនេះ មកទទួលខុសត្រូវចំពោះមុខច្បាប់ឱ្យខាងតែបាន។
ទន្ទឹមនេះក៏សូមស្នេីដល់អ្នកផ្សព្វផ្សាយព័ត៌មានតាមបណ្តាញសង្គមនានាមេត្តាកុំបំផុសនូវការផ្សាព្វផ្សាយព័ត៌មានណាដែលហួសពីការពិតជាក់ស្តែងហេីយនាំបង្កជាក្តីភិតភ័យនិងព្រួយបារម្ភពីមហាជន។
ដូចបានជម្រាបជូនខាងលើ សូមសាធារណជនអ្នក សារព័ត៌មាន និងមហាជនអ្នកប្រើប្រាស់បណ្តាញសង្គម មេត្តាជ្រាបជាព័ត៌មាន សូមអរគុណ៕(ក្រុមការងារព័ត៌មាននិងប្រតិកម្មរហ័ស)By kosal!
Post a Comment