ឃាត់ខ្លួនជនសង្ស័យម្នាក់ ពាក់ព័ន្ធករណីប្រេីប្រាស់ រក្សាទុក និងជួញដូរដោយខុសច្បាប់នូវសារធាតុញៀន
(ពោធិសាត់)នៅថ្ងៃទី០២ ខែកក្ដដា ឆ្នាំ២០២៤ វេលាម៉ោង១៦ និង២០នាទី កម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ សហការជាមួយកម្លាំងប៉ុស្តិ៍នគរបាលរដ្ឋបាលស្នាមព្រះ នៃអធិការដ្ឋាននគរបាលស្រុកបាកាន ដឹកនាំដោយលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ ដោយមានការសម្របសម្រួលនិតិវិធីដឹកនាំពីលោក ប៊ុង តាំងទី ព្រះរាជអាជ្ញារង នៃអយ្យការអមសាលាដំបូងខេត្តពោធិ៍សាត់ ឃាត់ខ្លួនជនសង្ស័យចំនួន ០១នាក់ នៅផ្ទះរបស់ជនសង្ស័យឈ្មោះ ងួន ដារ៉ា ស្ថិតនៅភូមិអន្លង់មាន ឃុំស្នាមព្រះ ស្រុកបាកាន ខេត្តពោធិ៍សាត់។
ជនសង្ស័យដែរបានឃាត់ខ្លួន
១-ឈ្មោះ ងួន ដារ៉ា ភេទប្រុស អាយុ៣២ឆ្នាំ មុខរបរមិនពិតប្រាកដ រស់ភូមិអន្លង់មាន ឃុំស្នាមព្រះ ស្រុកបាកាន ខេត្តពោធិ៍សាត់ (ជាមុខសញ្ញាជួញដូរសារធាតុញៀន)
វត្ថុតាងចាប់យកបានរួមមាន:
១-ម្សៅក្រាមពណ៌សថ្លា សង្ស័យជាសារធាតុញៀន ចំនួន០២កញ្ចប់ធំ (សាច់ថ្នាំសុទ្ធទម្ងន់ ១៣ក្រាម)
២-កូនថង់ច្រកថ្នាំញៀន មួយចំនួនធំ
៣-ប្រដាប់ជក់មួយកំប្លេ
៤-ដែកកេះ ចំនួន០២ដេីម
៥-អំពូលសម្រាប់ជក់ថ្នាំញៀន ០១
៦-ប្រដាប់ចូករំលែកថ្នាំញៀន ចំនួន០២(ដែក០ និងទូរយោ០១)
៧-ទូរស័ព្ទ ចំនួន០១គ្រឿង
៨-កូនកាំបិត ចំនួន០១ដេីម
៩-លុយខ្មែរ ចំនួន៧៥៥០០០រៀល
១០-ម៉ូតូ ចំនួន០១គ្រឿង ម៉ាក Suzuki Smash V ពណ៌ខ្មៅលាយ ក្រហម
១១-កាបូបលុយ ចំនួន០១
១២-កូនកាបូប ពណ៌ផ្កាឈូកសម្រាប់ដាក់ថ្នាំញៀនចំនួនមួយ
១៣-កំប៉ុងហ្គាសក្បាល់បាញ់ចំនួន០១
បច្ចុប្បន្នជនសង្ស័យរួមទាំងវត្ថុតាង សមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងពោធិ៍សាត់ ដើម្បីចាត់ការនិតិវិធី
Post a Comment