កម្លាំងអង្គភាពវរសេនាតូចនគរបាលការពារព្រំដែនគោកលេខ៨៩១បានជួបសំណេះសំណាពិភាក្សាការងាររួមគ្នាជាមួយទាហានឈុតខ្មៅថៃទល់មុខភូមិសាស្ត្រ(តាមការស្នើជួបរបស់ភាគីថៃ)

 

បន្ទាយមានជ័យ÷នៅថ្ងៃទី០៩ ខែកក្កដា ឆ្នាំ២០២៤  វេលាម៉ោង៩និង១៥នាទីព្រឹកកម្លាំងអង្គភាពវរសេនាតូចនគរបាលការពារព្រំដែនគោកលេខ៨៩១បានជួបសំណេះសំណាពិភាក្សាការងាររួមគ្នាជាមួយទាហានឈុតខ្មៅថៃទល់មុខភូមិសាស្ត្រ(តាមការស្នើជួបរបស់ភាគីថៃ)  ទីកន្លែង :គោលដៅដើមត្នោតស្ថិត ភូមិសាស្ត្រប៉ុស្តិ៍ការពារព្រំដេនគោកក្បាលស្ពាន នៃវរសេនាតូចលេខ៨៩១       ទឹកដីខ្មែរស្ថិតក្នុងភូមិក្បាលកោះ សង្កាត់អូរជ្រៅ ក្រុងប៉ោយប៉ែត  ខេត្តបន្ទាយមានជ័យ  សមាសភាពរួមមាន :

ក. ភាគីកម្ពុជា  :  ដឹកនាំដោយ លោក វរសេនីយ៍ទោ ធិន ធារ៉ា  មេបញ្ជាការរងវរៈ៨៩១  និងលោក នាយ នាយរងប៉ុស្តិ៍ ព្រមទាំងមន្ត្រីក្នុងប៉ុស្តិ៍សរុបចំនួន ១១ នាក់ ដឹកនាំដោយ លោកវរសេនីយ៍ត្រី សែម សាមឿន នាយប៉ុស្តិ៍នគរបាលការពារព្រំដែនគោកក្បាលស្ពាន ក្នុងនោះមានការចូលរួម ពីលោកអនុសេនីយ៍ឯក ដួង សំអូន នាយផ្នែកសេនាធិការ លោកព្រិន្ទបាលឯក សក្កា ចាន់ន័ន្ទ នាយរងក្រុមទី១ អនុសេនាតូចទី២  នៃកងពលតូចថ្មើជើងលេខ៥១  

ខ. ភាគីថៃ :កម្លាំងកងអនុសេនាធំលេខ១៣០២ ចំនួន១១នាក់ ដឹកនាំដោយ លោកអនុសេនីយ៍ទោ ថាវន ប៊ុនផេង   មេបញ្ជាការកងរយលេខ១៣០២ ។

ខ្លឹមសារពិភាក្សា និងសំណូមពរ ៖ 

 ១-ផ្តោតសំខាន់ស្តីពីការទំនាក់ទំនងល្អបង្ករភាពជិតស្និទ្ធិ រវាងកងកម្លាំងជួរមុខ ភាគីថៃ-កម្ពុជា ដើម្បីពង្រឹងសន្តិសុខតាមខ្សែបន្ទាត់ព្រំដែនជាប់ភូមិសាស្ត្រ

២- សុំអោយមានកិច្ចសហប្រតិបត្តិការទប់ស្កាត់ រាល់បទល្មើសជួញដូរគ្រឿងញៀន 

៣- សុំអោយជួយទប់ស្កាត់អាវុធជាតិផ្ទុះ គ្រាប់គ្រប់ប្រភេទ ប្រសិនបើមានឬទទួលពត៌មាន សុំអោយផ្តល់ពត៌មានទៅវិញទៅមក 

៤- ទប់ស្កាត់រាល់ពលករធ្លងដែនខុសច្បាប់បើសិនជាមាន ពលករឬប្រជាពលរដ្ឋលួចធ្លង

ដែនចូលទៅក្នុងទឹកដីថៃ បើសមត្ថកិច្ចថៃចាប់បាន សូមអោយផ្តល់ពត៌មានមកកងកម្លាំងនគរបាលការពារព្រំដែនភាគីកម្ពុជា បើចាប់បាននៅចំណុចណា សូមអោយប្រគល់មកកន្លែងនោះវិញ ព្រោះថាភាគីកម្ពុជាមិនអនុញ្ញាតអោយឆ្លងដែនខុសច្បាប់នោះទេ។

៥- សុំជួយអន្តរាគមន៍ រាល់មានបញ្ហាប្រជាពលរដ្ឋឈឺស្កាត់ ជាយថាហេតុណាមួយ ដូចជា ឆ្លងទន្លេ ពស់ចឹក មិនថាយប់ ឬថៃ សុំជួយអន្តរាគមន៍បញ្ជូនទៅព្យាបាលតាមមន្ទីពេទ្យដែលនៅជិតបំផុត 

៦-  រឿងព្រំដែនបើសិនមានប្រជាពលរដ្ឋ កម្ពុជា ឬ ថៃ បានចាក់ដីចូលអូរព្រំដែន រឺ បាក់ច្រាំងបើសិនជាមាន ត្រូវផ្តល់ពត៌មាន ដើម្បីដោះស្រាយតាមនិតីវិធី ត្រួតពិនិត្យរួមគ្នា និងធ្វើរបាយការណ៍ជូនទៅថ្នាក់ដឹកនាំរៀងៗខ្លួនបន្ត ។ 

កិច្ចជំនួបពិភាក្សាខាងលើ ភាគីទាំងពី  (កម្ពុជា -ថៃ )សំណូមពរដូចគ្នា និងឯកភាពតាមខ្លឹមសាសរខាងលើ ។

សុំណូមពរភាគីថៃ : ស្នើសុំភាគីកម្ពុជា ទៅជំនួបប្រជុំពិភាក្សាការងារខាងទឹកដីថៃវិញដើម្បីទំនាក់

ទំនងរវាងកម្លាំងជួរមុខ និងល្បាតត្រួតពិនិត្យតាមខ្សែបន្ទាត់ព្រំដែនជុំគ្នា (ម្ខាងអូររាងៗខ្លួន) ។

ភាគីកម្ពុជារាល់ពេលភាគីថៃស្នើសុំជំនួបទំនាក់ទំងកម្លាំងជួរមុខ ភាគីកម្ពុជាបានបញ្ជាក់ថា សុំរាយការណ៍ជូនថ្នាក់ដឹកនាំសិន និងសុំគោលការថ្នាក់ដឹកនាំបន្ត រាល់ជំនួបភាគី (កម្ពុជា-ថៃ ) មុននិងបញ្ចប់ ។

ភាគីទាំងពីបានជូនការដូរ អនុស្យាវរីយ៍ទៅវិញទៅមក ព្រមទាំងបាយសាមគ្គីរួមគ្នានៅគោលដៅដើមត្នោត ។

បានបញ្ចប់សពគ្រប់នៅវេលាម៉ោង ១០ : ៣០ នាទីព្រឹក ក្នុងថៃ្ងដដែល ។