ដោយសារផ្នែកខាងលើធ្លាក់ភ្លៀងខ្លាំងជាបន្តបន្ទាប់បណ្ដាលឲ្យទឹកស្ទឹងសង្កែហក់ឡើងខ្ពស់បណ្ដាលឲ្យប៉ះពាល់លំនៅឋានប្រជាពលរដ្ឋ (៦)សង្កាត់ក្នុងក្រុងបាត់ដំបង

 

(បាត់ដំបង)ថ្ងៃ ចន្ទ ៩ រោច ខែ អាសាឍ  ឆ្នាំ រោង ឆស័ក ព.ស ២៥៦៨ ត្រូវថ្ងៃទី ២៩ ខែ កក្កដា  ឆ្នាំ ២០២៤ វេលាម៉ោង ១៤ និង ៣០ នាទី ស្ថានភាពទឹកជំនន់ក្នុងដងស្ទឹងសង្កែ

      - កម្លាំងអធិការដ្ឋាននគរបាលក្រុង បាត់ដំបង
       ដឹកនាំដោយលោក វរសេនីយ៍ឯក ពេជ្រ សារ៉ែន អធិការនគរបាលក្រុង  បានត្រៀមកម្លាំងចេញអន្តរាគមន៍ជួយសង្រ្គោះប្រជាពលរដ្ឋ ដែលរងគ្រោះដោយសារទឹកជំនន់ ស្ទឹងសង្កែ ដែលជន់ខ្លាំងបណ្តាលឲ្យលិចផ្ទះប្រជាពលរដ្ឋដែលរស់នៅតាមបណ្តោយដងស្ទឹង មួយចំនួនក្នុងក្រុង បាត់ដំបង ក្នុងនោះសង្កាត់ដែលរងគ្រោះមាន :

       - សង្កាត់រងគ្រោះ មាន ចំនួន ៦ សង្កាត់ ក្នុងនោះមាន ៖
       ១. សង្កាត់ ក្ដុលដូនទាវ ចំនួន ៩០ ខ្នងផ្ទះ ស្មើ ៩០ គ្រួសារ ។

       ២. សង្កាត់ ស្លាកែត ចំនួន ១៩៣ ខ្នងផ្ទះ ស្មើ ១៩៣ គ្រួសារ ។

       ៣. សង្កាត់ ចំការសំរោង ចំនួន ១១ ខ្នងផ្ទះ ស្មើ ១១ គ្រួសារ ។

       ៤. សង្កាត់ ស្វាយប៉ោ ចំនួន ៦ ខ្នងផ្ទះ ស្មើ ៦ គ្រួសារ ។

       ៥. សង្កាត់ រតនៈ ចំនួន ៣៧ ខ្នងផ្ទះ ស្មើ ៣៧ គ្រួសារ ។

       ៦. សង្កាត់ ព្រែកព្រះស្តេច ចំនួន ៣៦ ខ្នងផ្ទះ ស្មើ ៣៦ គ្រួសារ ។

       - ប្រជាពលរដ្ឋរងគ្រោះ សរុប ចំនួន ៣៧៣ ខ្នងផ្ទះ ស្មើ ៣៧៣ គ្រួសារ ។

        គ្រោះទឹកជំនន់នេះ មិនបង្កគ្រោះថ្នាក់ដល់មនុស្ស សត្វ ឬខូចខាតដល់ទ្រព្យសម្បត្តិប្រជាពលរដ្ឋឡើយ ។