ឃាត់ខ្លួនជនសង្ស័យម្នាក់ ពាក់ព័ន្ធករណីប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន
( ពោធិសាត់) នៅថ្ងៃទី២១ ខែសីហា ឆ្នាំ២០២៤ វេលាម៉ោង២២ និង១០ នាទី ដោយអនុវត្តតាមបទបញ្ជាយ៉ាងម៉ឺងម៉ាត់ និងមតិដឹកនាំដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ លោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ បានដឹកនាំកម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ បានល្បាតលេីដងផ្លូវក៏ប្រទះឃេីញជនសង្ស័យដែលជាមុខសញ្ញាប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន នៅផ្លូវកៅស៊ូជិតភោជនីយដ្ឋានមហាលាប ស្ថិតនៅភូមិពាលញែក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ។ ជាលទ្ធផលបានជនសង្ស័យចំនួន០១នាក់ និងចាប់យកសម្ភារ:វត្ថុតាងដូចខាងក្រោម ៖
ជនសង្ស័យដែលបានឃាត់ខ្លួន
១-ឈ្មោះ ផារី សុធារិទ្ធ ឈ្មោះក្រៅហៅ ប៉ៅ ភេទប្រុស អាយុ២៧ ឆ្នាំ មុខរបរលាងម៉ូតូ រស់នៅភូមិស្ពានថ្ម សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ វិជ្ជមាន(លទ្ធផលតេស្តស្វែងរកសារធាតុញៀនក្នុងទឹក)។
វត្ថុតាងចាប់យកបានរួមមាន ៖
១-ទូរស័ព្ទចំនួន ០២គ្រឿង(ម៉ាកSamsung ពណ៌ខ្មៅ និងម៉ាកcamfone)
២-ដែកកេះសម្រាប់ជក់ថ្នាំចំនួន០១ដេីម
៣-ម្សៅពណ៌សសង្ស័យជាសារធាតុញៀនចំនួន០២កញ្ចប់តូច(សាច់ថ្នាំសុទ្ធ១.០៩ក្រាម)
៤-ម៉ូតូចំនួន ០១គ្រឿង Suzuky Viva ពណ៌ខ្មៅ សេរីឆ្នាំមិនចាំ
បច្ចុប្បន្នជនសង្ស័យរួមជាមួយវត្ថុតាង ត្រូវបានឃាត់ខ្លួន និងរក្សាទុកនៅអធិការដ្ឋាននគរបាលក្រុងពោធិ៍សាត់ ។
Post a Comment