កម្លាំងអធិការដ្ឋាននគរបាលក្រុងប៉ោយប៉ែតនិងកម្លាំងនគរបាលសង្កាត់អូរជ្រៅបានធ្វើការឃាត់ខ្លួនជនសង្ស័យជួញដូរប្រើប្រាស់គ្រឿងញៀនជាច្រើននាក់

បន្ទាយមានជ័យ:កាលពីថ្ងៃទី៦ ខែសីហា ឆ្នាំ២០២៤ វេលាម៉ោង​១៤ និង ៣០នាទី ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យនិងបញ្ជាផ្ទាល់ពីលោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត និងកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងប៉ោយប៉ែត បានទទួលដំណឹងពីប្រព័ន្ធផ្សព្វផ្សាយ(No Drug លេខ ៣៤០) ថានៅចំណុចផ្សារអាគារថ្មី ភូមិអូរជ្រៅ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។  

      មានការ ចែកចាយ និងប្រើប្រាស់គ្រឿងញៀនខុសច្បាប់។

      ភ្លាមៗនោះកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងប៉ោយប៉ែត បានចុះសហការជាមួយកម្លាំងប៉ុស្តិ៍នគរបាលរដ្ឋបាលអូរជ្រៅ បានបង្ក្រាប ករណីខាងលើ រួចរាល់ហើយ បានឃាត់ខ្លួនជនសង្ស័យចំនួន០៤ នាក់ រួមទាំងវត្ថុតាង។

      »សម្ភារៈ និងវត្ថុតាង ចាប់យក

១.ម្សៅក្រាម ស ថ្លា សង្ស័យជាសារធាតុញៀនចំនួន៤៨កូនថង់តូច។ 

២.ថ្នាំគ្រាប់ពណ៌ក្រហមមានអក្សរ(WY)ពីលើសង្ស័យជាសារធាតុញៀនចំនួន០៥គ្រាប់។ 

៣.ជញ្ជីងថ្លឹងគ្រឿងញៀន០១គ្រឿង។ 

៤.ដែកកេះសម្រាប់ប្រើប្រាស់គ្រឿងញៀន០២។ 

៥.បំពងកែវសម្រាប់ប្រើប្រាស់គ្រឿងញៀន០១។ 

៦.ដបសម្រាប់ប្រើប្រាស់គ្រឿងញៀន០១។ 

៧.ទូរសព្ទដៃចំនួន០២គ្រឿង។ 

៨.បំពង់សម្រាប់ចូកគ្រឿងញៀន០១។ 

៩.កូនកាបូប០២។ 

     បន្ទាប់មកកម្លាំងក៏បាននាំជនសង្ស័យទាំងអស់មកកាន់អធិការដ្ឋាននគរបាលក្រុងប៉ោយប៉ែត និងបានបន្តធ្វើតេស្តទឹកនោមស្វែងរកសារធាតុញៀនលទ្ធផលវិជ្ជមាន(+)ទាំងបួននាក់។ 

  ជនសង្ស័យ រួមទាំងវត្ថុតាង ជំនាញកសាងសំណុំរឿងបញ្ជូនតាមនីតិវិធី។