កម្លាំងនគរបាលប្រឆាំងបទល្មើសសេដ្ឋកិច្ចខេត្តពោធិ៍សាត់ សហការជាមួយកម្លាំងអធិការដ្ឋាននគរបាលបាលស្រុកក្រគរ បានឃាត់រថយន្តដឹកសាច់ជ្រូកបង្កក ដោយគ្មានលិខិតអនុញ្ញាតិ
ថ្ងៃសៅរ៍ ១៣កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែសីហា ឆ្នាំ ២០២៤ កម្លាំងនគរបាលប្រឆាំងបទល្មើសសេដ្ឋកិច្ចខេត្ត សហការជាមួយកម្លាំងអធិការដ្ឋាននគរបាលបាលស្រុកក្រគរ បានឃាត់រថយន្តដឹកសាច់ជ្រូកបង្កក ដោយគ្មានលិខិតអនុញ្ញាតិ នៅចំណុចលើផ្លូវជាតិលេខ៥ ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់ ដោយមានបញ្ជាផ្ទាល់ពីលោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ សមត្ថកិច្ចយេីង ក៏បានយករថយន្តមករក្សាទុកបណ្តោះអាសន្ននៅស្នងការដា្ឋននគរបាលខេត្ត។ នៅវេលាម៉ោង ១០នឹង២៨នាទី ដោយមានការសំរបសំរួលពីឯកឧត្តម កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ សមត្ថកិច្ចយេីង ក៍បានធ្វេីការឆែកឆេររថយន្ត ម៉ាក Hyundai starex ពណ៌ខ្មៅ ពាក់ស្លាកលេខភ្នំពេញ 2BF-8156 ក្រោយពីត្រួតពិនត្យបានរកឃេីញផលិតផលជ្រូកបង្កក សរុបចំនួន២០កេះ ស្មើនឹង ១៣១៥គីឡូក្រាមក្នុងនោះមាន:
១-ឆ្អឹងជំនីជ្រូកចំនួន ២៧៤គីឡូក្រាម
២-ក្រលៀនជ្រូកចំនួន ៦០គីឡូក្រាម
៣-ជេីងជ្រូកចំនួន ៧២គីឡូក្រាម
៤-ក្រពះជ្រូកចំនួន ៤៤៤គីឡូក្រាម
៥-អណ្ដាតជ្រូកចំនួន ១២៤គីឡូក្រាម
៦-ពោះ-ច្រមុះជ្រូកចំនួន ៦២គីឡូក្រាម
៧-បេះដូង និងខួរជ្រូកចំនួន ៧៦គីឡូក្រាម
៨-ត្រចៀក-ក្រពះជ្រូកចំនួន ៦៨គីឡូក្រាម
៩-បេះដូងជ្រូកចំនួន ៦៩គីឡូក្រាម
១០-ក្រចកជ្រូកចំនួន ៦៦គីឡូក្រាម
ក្នុងករណីនេះ សមត្ថកិច្ចយេីងបានប្រគល់វត្ថុតាងនឹងរថយន្តទៅអោយជំនាញបសុពេទ្យដេីម្បីបន្តនិតិវិធី។ ដោយពនិត្យឃេីញថាសាច់ក្លាសេនេះខូចគុណភាព (មានសភាពប្រែពណ៌ខុសធម្មតា មានក្លិនស្អុយ) ដែលអាចបណ្ដាលអោយមានផលប៉ះពាល់ដល់សុខភាពអ្នកប្រើប្រាស់ ដូច្នេះសមត្ថកិច្ចជំនាញក៍បានសុំគោលការណ៍ទៅឯកឧត្ដម ព្រព្រះរាជអាជ្ញាអមសាលាដំបូងខេត្តពោធិ៍សាត់ ដេីម្បីកំទេចចោល នៅវេលាម៉ោង ១៥និង៥៨នាទីរសៀល។
Post a Comment