កម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ សហការជាមួយប៉ុស្តិ៍នគរបាលរដ្ឋបាលបន្ទាយដី បានឃាត់ខ្លួនជនសង្ស័យម្នាក់ក្នុងករណី រក្សារទុក ជួញដូរ និងប្រេីប្រាស់ដោយខុសច្បាប់នូវសារធាតុញៀន

 

(ពោធិសាត់) នៅថ្ងៃទី០៤ ខែសីហា ឆ្នាំ២០២៤ វេលាម៉ោង១១ និង៥០នាទី ដោយ​អនុវត្ត​តាមបទ​បញ្ជា​យ៉ាង​ម៉ឺងម៉ាត់​ និងមតិដឹកនាំដ៏​ខ្ពង់ខ្ពស់​របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ លោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ បានដឹកនាំកម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ សហការជាមួយប៉ុស្តិ៍នគរបាលរដ្ឋបាលបន្ទាយដី បានចុះបង្រ្កាបករណីគ្រឿងញៀនមួយកន្លែងនឹងឃាត់ខ្លួនជនសង្ស័យ ចំនួន០១នាក់ នៅចំណុចផ្ទះរបស់ ឈួន ប៊ុនលី ហៅ ប៊ុន ស្ថិតនៅភូមិបណ្ដុះសណ្ដែក សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់ ។ ជាលទ្ធផលឃាត់ខ្លួនជនសង្ស័យចំនួន០១នាក់ និងចាប់យកសម្ភារ:វត្ថុតាងដូចខាងក្រោម ៖

ជនសង្ស័យដែលបានឃាត់ខ្លួន៖
១- ឈ្មោះ ឈួន ប៊ុនលី ហៅ ប៊ុន ភេទប្រុស អាយុ៤២ ឆ្នាំ មុខរបរ លក់ដូរ រស់នៅភូមិបណ្ដុះសណ្ដែក សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់

វត្ថុតាងចាប់យកបានរួមមាន:
១-ម្សៅក្រាមពណ៌សថ្លាសង្ស័យជាសារធាតុញៀនចំនួន ០១ កញ្ចប់ (សាច់ថ្នាំសុទ្ធ ២៩.០០ ក្រាម)
២-អំពូលកែឆ្នៃសំរាបជក់គ្រឿងញៀនចំនួន ១៥
៣-ថង់សំរាបច្រកគ្រឿងញៀនមួយចំនួន
៤-ដែកកេះកែឆ្នៃសំរាប់ជក់គ្រឿងញៀនចំនួន ០៣
៥-ម្សៅក្រាមសង្ស័យជាសារធាតុញៀនចំនួន០២កញ្ចប់ (សាច់ថ្នាំសុទ្ធ ៨.២៩ ក្រាម)
៦-ថ្នាំគ្រាប់ពណ៌ទឹកក្រូចសង្ស័យជាគ្រឿងញៀនចំនួន ០៦ គ្រាប់និង បំបែកជាម្សៅចំនួន ០១ កញ្ចប់ (សាច់ថ្នាំសុទ្ធ ១.៣៦ ក្រាម)
៧-ជញ្ជីងអេឡិចត្រូនិកសំរាប់ថ្លឹងថ្នាំញៀនចំនួន ០១
៨-ឧបករណ៍កែឆ្នៃសំរាប់ជក់គ្រឿងញៀនចំនួន ០១ កំប្លេ
៩-ទុយោកែឆ្នៃសំរាបចូកគ្រឿងញៀនចំនួន ០៣
១០-កាំភ្លើងកែឆ្នៃចំនួន ០១ ដើម
១១- ទឹកសំរាប់ដាក់បារីអេឡិចត្រូនិចចំនួន ០២ ដប

បច្ចុប្បន្នជនសង្ស័យរួមជាមួយវត្ថុតាង សមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងពោធិ៍សាត់ ដើម្បីធ្វើការបន្តតាមនីតិវិធីច្បាប់ ។