លោកឧត្តមសេនីយ៍ទោ ដាញ់ អេងប៊ុនចាន់ អញ្ជើញជាអធិបតីក្នុងពិធីប្រកាសតែងតាំងចូលកាន់តំណែងជាអធិការនៃអធិការដ្ឋាននគរបាលស្រុកគាស់ក្រឡ ខេត្តបាត់ដំបង

 

  (បាត់ដំបង)នៅព្រឹកថ្ងៃទី១៦ ខែសីហា ឆ្នាំ២០២៤នេះលោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង បានអញ្ជើញជាអធិបតីភាព ក្នុងពិធីប្រកាស់តែងតាំងមុខតំណែង អធិ​ការនៃអធិការដ្ឋាននគរបាលស្រុកគាស់ក្រឡ ខេត្តបាត់​ដំបង។

លោកអនុសេនីយ៍ឯក ចាន់ ថានូ អតីតជាអធិការរង បច្ចុប្បន្នត្រូវបានតែងតាំងជា អធិការនៃអធិការដ្ឋាននគរបាលស្រុកគាស់ក្រឡ ជំនួសលោកវរសេនី​យ៍ឯក ប៉ាង ហៀង អតីតអធិការ​ដែលបានចូលនិវត្តន៍។

ពិធីនេះត្រូវបានប្រារព្ធធ្វើឡើងនៅក្នុងបរិវេណសា លាស្រុកគាស់ក្រឡ ខេត្តបាត់ដំបង  មានការអញ្ជើញចូលរួមពី លោកអ៊ួច រ៉េត ប្រធានក្រុមប្រឹក្សាស្រុក លោក ញឹក សារ៉ែន អភិបាលនៃគណៈអភិបាលស្រុកគាស់ក្រឡ និងមសនលោកឧត្តមសេនីយ៍ត្រី វរសេនីយ៍ ស្នងការរង លោកនាយនាយរងការិ យាល័យ លោកអធិការស្រុក ពាក់ព័ន្ធនាយផ្នែក នាយប៉ុស្តិ៍រដ្ឋបាលនិងមន្រ្តីផ្សេងទៀតជាច្រើនរូប៕