លោកឧត្តមសេនីយ៍ទោ ដាញ់អេងប៊ុនចាន់ ចាត់តំណាងទៅសួរសុខទុក្ខមន្រ្តីនគរបាលនិងគ្រួសារដែលមានជម្ងឺដល់មន្ទីរពេទ្យ
(បាត់ដំបង)ព្រឹកថ្ងៃទី១៧ ខែកញ្ញា ឆ្នាំ២០២៤ លោកឧត្តមសេនីយ៍ទោ ដាញ់អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង បានចាត់តាំងលោកឧត្តមសេនីយ៍ត្រី លឹម ពុទ្ធីឡា ស្នងការរង ផែនការ ងារនគរបាលព្រហ្មទណ្ឌ ជាតំណាងដឹកនាំកម្លាំងក្នុងផែនទៅសួរ សុខទុក្ខ ភរិយាលោកវរសេនីយ៍ទោ ដាំ មករា នាយរងការិយាល័យនគរបាលនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរ បាលខេត្តបាត់ដំបង ខណៈលោកស្រី ជាភរិយាមានជម្ងឺកំពុងសម្រាកព្យាបាលនៅមន្ទីរពេទ្យស្នងការដ្ឋាននគរបាលខេត្តបាត់ដំបង។
ជាមួយគ្នានេះលោកអនុសេនីយ៍ឯក មាន វ៉ាន់ឌី នាយរងផ្នែកការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋានក៏មានជម្ងឺកំពុងសម្រាកព្យាបាលជម្ងឺនៅមន្ទីរពេទ្យស្នងការដ្ឋាននគរបាលខេត្តបាត់ដំបងដូចគ្នា ។
បន្ទាប់ពីបានពាំនាំនូវការផ្តាំផ្ញេីសាកសួរសុខទុក្ខ ពីថ្នាក់ដឹកនាំស្នងការ រួចមកលោកឧត្តមសេនីយ៍ត្រី លឹម ពុទ្ធីឡា បាននាំយកថវិកាផ្ទាល់របស់លោកឧត្តមសេនីយ៍ទោស្នងការនិងថវិកាបានពីការចូលរួមរបស់បងប្អូនជាកងកម្លាំងនគរបាលក្នុងអង្គភាពប្រគល់ជូនអ្នកជម្ងឺនៅទីនោះផ្ទាល់ផងដែរ។
ដោយក្តីរំភេីបរីករាយក្រុមគ្រួសារនិងអ្នកជម្ងឺបានគោរពថ្លែងអំណរគុណយ៉ាងជ្រាលជ្រៅបំផុតចំពោះ ទឹកចិត្តថ្នាក់ដឹកនាំស្នងការ ស្នងការរងនិងកងកម្លាំងនគរបាលដែលបានចូលរួមចែករំលែកនូវទុក្ខលំបាក និងផ្តល់នូវថវិកាជួយសម្រាលដល់ការចំណាយក្នុងជីវភាពប្រចាំថ្ងៃបានមួយចំណែកធំ ៕
Post a Comment