កម្លាំងសមត្ថកិច្ចនគរបាលបង្រ្កាបបាននិងចាប់ខ្លួនមុខសញ្ញារក្សាទុកដឹកជញ្ជូនឬជួញដូរដោយខុសច្បាប់នូវសារធាតុញៀន

 

ខេត្តបាត់ដំបង ÷ដឹកនាំបញ្ជាផ្ទាល់របស់លោកវរសេនីយ៍ទោ ទឹម វិឆ័យ  អធិការ នៃអធិការដ្ឋាននគរបាលស្រុកសំពៅលូន  នៅថ្ងៃទី២៤ ខែតុលា ឆ្នាំ២០២៤ វេលាម៉ោង ១១និង ០០នាទី នៅចំណុចក្រុមទី ២ ស្ថិតនៅ ភូមិត្រពាំងព្រលិត  ឃុំសន្តិភាព ស្រុកសំពៅលូន ខេត្តបាត់ដំបង កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសំពៅលូន បានចុះល្បាតក្នុងភូមិសាស្រ្តខាងលើបង្រ្កាបករណីរក្សាទុកដឹកជញ្ជូនឬជួញដូរដោយខុសច្បាប់នូវសារធាតុញៀន ក្នុងបទល្មើសជាក់ស្តែង និងឃាត់ខ្លួនជនសង្ស័យ÷ឈ្មោះ ជុក គឹមជួ ភេទ ស្រី អាយុ២៩

ឆ្នាំ មានទីលំនៅ ភូមិក្រសាំង ឃុំតាមុឺន ស្រុកថ្មគោល ខេត្តបាត់ដំបង។

វត្ថុតាងដែលកម្លាំងសមត្ថកិច្ចចាប់យកបានរួមមាន:

១. ម្សៅក្រាមពណ៌សថ្លាច្រកក្នុងទុយោចំនួន៧៧កំណាត់ទុយោសង្ស័យមានសារធាតុញៀន

២.ថ្នាំគ្រាប់រាងមូលសំប៉ែតពណ៍ផ្កាឈូកមានត្រាអក្សរបរទេស (WY)ចំនួន៤១គ្រាប់សង្ស័យមានសារធាតុញៀន

៣.សម្ភារ:សម្រាប់ប្រើប្រាស់ និងសម្ភរ:សម្រាប់ច្រករំលែកគ្រឿងញៀនលក់មួយចំនួន

៤.ទូរស័ព្ទចំនួន០១គ្រឿង (ចាស់) ។       

ក្នុងកិច្ចប្រតិបត្តិការនេះ កម្លាំងសមត្ថកិច្ចយើងបានធ្វើការឃាត់ខ្លួនជនសង្ស័យកសាងសំណុំរឿង  បញ្ជូនទៅការិយាល័យជំនាញ នៃស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី ។