នារីដ៏ស្រស់ស្អាតម្នាក់បានដេកស្លាប់យ៉ាងអាណោចអាធម្មក្នុងហេតុការណ៍គ្រោះថ្នាក់ចរាចរណ៍ខណៈដែលរថយន្តបង្កររត់គេចខ្លួនបាត់ស្រមោល...!

 

បន្ទាយមានជ័យ÷ពិតជាគួរឱ្យរន្ធត់ណាស់នារីដ៏ស្រស់ស្អាតម្នាក់បានដេកស្លាប់យ៉ាងអាណោចអាធម្មក្នុងហេតុការណ៍គ្រោះថ្នាក់ចរាចរណ៍ខណៈរថយន្តបង្កបានរត់គេចខ្លួនបាត់ស្រមោល..។
ដែលហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់នេះបានកើតឡើងកាលពីវេលាម៉ោង៥ទាបភ្លឺព្រឹកថ្ងៃទី២៥ខែតុលាឆ្នាំ ២០២៤ នៅលើកំណាត់ផ្លូវជាតិលេខ 6A ត្រង់ចំណុចការដ្ឋានក្រឡុកស៊ីម៉ង់ស្ថិតនៅភូមិសាលាក្រៅសង្កាត់ភ្នៀតក្រុងសិរីសោភ័ណខេត្តបន្ទាយមានជ័យ។

ជនរងគ្រោះមានឈ្មោះគល់ស្រីគា អាយុ១៦ឆ្នាំរស់នៅភូមិព្រះពន្លា សង្កាត់ព្រះពន្លា ក្រុងសិរីសោភ័ណខេត្តបន្ទាយមានជ័យ។

នៅមុនពេលកើតហេតុគេបានឃើញជនរងគ្រោះធ្វើដំណើរដោយជិះម៉ូតូម៉ាកហុងដាឌ្រីមពណ៌ខ្មៅស៊េរីឆ្នាំ 2016 ពាក់ស្លាកលេខបាត់ដំបង 1 -E 5941
ដោយធ្វើដំណើរក្នុងពិដៅពីកើតទៅលិចខណៈពេលដែលនាងយកនំបញ្ចុកទៅឲ្យគេរួចត្រឡប់មកវិញ
លុះមកដល់ចំណុចកើតហេតុខាងលើក៏ត្រូវបានរថយន្តមិនស្គាល់អត្តសញ្ញាណបានរេចង្កូតទៅបុកម៉ូតូពេញទំហឹងបណ្ដាលឲ្យស្លាប់នៅនឹងកន្លែងកើតហេតុ។រួចបានលើកសពដាក់កៀនហើយបើករថយន្តគេចបាត់ស្រមោលតែម្ដង។

អ្នកធ្វើដំណើរតាមកងផ្លូវប្រទះឃើញក៏បានរាយការណ៍ប្រាប់សមត្ថកិច្ចចុះមកកន្លែងកើតហេតុដើម្បីធ្វើការវាស់វែងនិងជូនដំណឹងទៅដល់សាច់ញាតិដើម្បីយកសពកូនស្រីទៅធ្វើបុណ្យតាមប្រពៃណី។
ចំណែកម៉ូតូជនរងគ្រោះត្រូវបានយកទៅរក្សាទុកនៅការិយាល័យចរាចរណ៍ផ្លូវគោកដើម្បីស្រាវជ្រាវរករថយន្តបង្កហេតុមកទទួលខុសត្រូវចំពោះមុខច្បាប់។