អាវុធហត្ថខេត្តបាត់ដំបងឃាត់ខ្លួនជនសង្ស័យបីនាក់ពីបទជួញដូរសាធាតុញៀន
ខេត្តបាត់ដំបង៖កម្លាំងការិយាល័យជំនាញនៃទីបញ្ជាការកងរាជអាវុធហត្ថខេត្តបាត់ដំបង បានធ្វើការឃាត់ខ្លួនជនសង្ស័យចំនួន០៣នាក់ ពាក់ព័ន្ធពីបទជួញដូរដោយខុសច្បាប់នូវសារធាតុញៀន។
កិច្ចប្រតិបត្តិការខាងលើនេះធ្វើឡើងនៅវេលាម៉ោង ១៧និង១០នាទី ថ្ងៃទី២៥ ខែវិច្ឆិកា ឆ្នាំ២០២៤ នៅចំណុចភូមិព្រៃទទឹង ឃុំបាយដំរាំ ស្រុកបាណន់ ខេត្តបាត់ដំបង ដោយបានឃាត់ខ្លួនជនសង្ស័យចំនួន០៣នាក់រួមមាន!
១.ឈ្មោះ សុខ ឌី ភេទប្រុស អាយុ ២៤ឆ្នាំ មុខរបរធ្វើស្រែ
២.ឈ្មោះ គង់ សាមេត ភេទប្រុស អាយុ២១ឆ្នាំ មុខរបរធ្វើស្រែ ទាំងពីរនាក់រស់នៅភូមិព្រៃទទឹង ឃុំបាយដំរាំ ស្រុកបាណន់ ខេត្តបាត់ដំបង
៣.ឈ្មោះ រិន វ៉ាន់ ភេទប្រុស អាយុ២៦ឆ្នាំ មុខរបរធ្វើស្រែ រស់នៅភូមិបាយដំរាំ ឃុំបាយដំរាំ ស្រុកបាណន់ ខេត្តបាត់ដំបង ។
ជាមួយកិច្ចប្រតិបត្តិការនេះដែរ សមត្ថកិច្ចដកហូតវត្ថុតាងរួមមាន : ,គ្រឿងញៀនម្សៅក្រាមពណ៌សថ្លា (ice) ចំនួន ០២កញ្ចប់ ទម្ងន់ ៣.៧៣ក្រាម ( ទាំងសំបក ),ទូរស័ព្ទចំនួន ០៣គ្រឿង,.ម៉ូតូ ចំនួន ០២គ្រឿង ,កាំភ្លើងកែថ្នៃខ្យល់ ចំនួន ០១ដើម និងលោហៈធាតុពណ៌លឿង ខ្សែក ចំនួន ០២ខ្សែ ។
បច្ចុប្បន្ន ជនសង្ស័យនិងវត្ថុតាងកំពុងឃាត់ខ្លួននៅការិយាល័យជំនាញ ដើម្បីកសាងសំណុំរឿងចាត់ការតាមនិតិវិធី ។
Post a Comment