ខ្មាំងកាំភ្លើងជិះម៉ូតូចុះបាញ់យ៉ាងសាហាវទាំងកណ្តាលយប់បណ្តាលអោយជនបរទេសម្នាក់ស្លាប់នៅក្រុងប៉ោយប៉ែត

 

ប៉ោយប៉ែត៖មានការភ្ញាក់ផ្អើលទាំងកណ្តាលយប់ដូចរឿងហុងកុងដោយសារខ្មាំងកាំភ្លើងមានគ្នាបីនាក់សង្ស័យជាជនបរទេសជិះម៉ូតូមួយគ្រឿងឈប់ចុះបាញ់ប្រហារយ៉ាងសាហាវទៅលើម្ខាងទៀតជិះម៉ូតូដូចគ្នាមានគ្នា២នាក់បណ្តាលអោយម្នាក់ស្លាប់ពេលបញ្ជូនទៅពេទ្យនិងម្នាក់ទៀតរត់គេចផុតពីការបាញ់ប្រហារ។ 
    ហេតុការដ៍សាហាវនេះកើតឡើងកាលពីវេលាម៉ោងជាង៩យប់ថ្ងៃទី២៦ធ្នូ២០២៤ស្ថិតនៅលើផ្លូវក្នុងភូមិប៉ាលិលេយ្យ២សង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យ។
    តាមអ្នកឃើញហេតុការបានអោយដឹងថាខណៈដែលឮសម្លេងផ្ទុះជាប់គ្នាដូចគេដុតផាវតែមិនមែនបែបជាករណីផ្ទុះអាវុធពីអ្នកជិះម៉ូតូមួយគ្រឿងម៉ាស៊ូមមើអុិចជិះគ្នាបីនាក់ដោយពីរនាក់ជាអ្នកជិះពីក្រោយអ្នកបើកបានចុះបាញ់ប្រហារយ៉ាងសាហាវជាច្រើនគ្រាប់ទៅលើអ្នកដែលកំពុងជិះម៉ូតូម្ខាងទៀតបណ្តាលអោយត្រូវតែម្នាក់ដេកស្តូកស្តឹងទៅលើផ្លួវក្នុងថ្លុកឈាមដោយឡែកម្នាក់ទៀតរត់គេចស្រែកអោយគេជួយជាភាសាថៃ។ក្រោយការបាញ់ប្រហារហើយខ្មាំងកាំភ្លើងបានជិះម៉ូតូគេចខ្លួនបាត់។ចំណែកជនរងគ្រោះក្រោយកើតហេតុត្រូវបានអ្នកដែលរត់គេចខ្លួនបាននាំជនរងគ្រោះទៅសង្រ្គោះបន្ទាន់នៅមន្ទីពេទ្យហើយក៍ក៍ស្លាប់នឹងមន្ទីរពេទ្យ។
      តាមប្រភពពីកន្លែងកើតហេតុបាននិយាយថាករណីខាងលើជាករណីជនជាតិថៃនឹងជនជាតិថៃព្រោះពេលជនម្នាក់រត់គេចពីការបាញ់ប្រហារបានស្រែកអោយគេជួយជាភាសារថៃ។
    ភ្លាមៗសមត្ថកិច្ចបានចុះទៅដល់កន្លែងកើតហេតុហើយហ៊ុំព័ទ្ធទីតាំងទៅតាមជំនាញ់សមត្ថកិច្ច។