ពីធីបើកវគ្គបណ្តុះបណ្តាល ស្តីពី "សុខភាពបន្តរពូជ និងអាហារូបត្ថម្ភ" ជូនដល់មន្រ្តីទទួលបន្ទុកថ្នាក់ខេត្ត ស្រុក និងការិយាល័យសង្គមកិច្ច និងសុខុមាលភាពសង្គម។

 

ក្រសួងកិច្ចការនារី​ បានរៀបចំឡើងដោយនាយកដ្ឋាន​ ស្ត្រី​  និងសុខភាព​ ឧបត្ថម្ភដោយរាជរដ្ឋាភិបាលថវិកាជាតិ​ បានធ្វើការបើកវគ្គបណ្ដុះបណ្ដាលស្ដីពីសុខភាពបន្តពូជ​ និងអាហារូបត្ថម្ភជូនដល់មន្ត្រីទទួលបន្ទុកថ្នាក់ខេត្ត​ ស្រុកនិងខេត្ត​ និង​ ការិយាល័យ​  សង្គម​កិច្ច​ និងសុខុមាលភាពសង្គម​ ដែលសិក្ខាកាមទាំងអស់បានអញ្ជើញមកពីខេត្តគោលដៅទាំងប្រាំបួនរួមមានខេត្តព្រះវិហារខេត្តសៀមរាប​ កំពង់ធំ​ កំពង់ឆ្នាំងពោធិ៍សាត់​ បាត់ដំបង​ ប៉ៃលិនឧត្តរមានជ័យ​ និងខេត្តបន្ទាយមានជ័យសរុបចំនួន៤៥នាក់​ បានចូលរួមធ្វើឡើងនៅសណ្ឋាគារ The White  Palace Resoteក្នុងក្រុងសិរីសោភ័ណខេត្តបន្ទាយមានជ័យ​ ក្រោមអធិបតីភាព​ លោកជំទាវ​ ម៉ាន​ ចិន្ដារដ្ឋលេខាធិការក្រសួងកិច្ចការនារីលោកហ៊ឹល​ រ៉ាយ៉ា​ អភិបាលរងខេត្តលោកស្រី​ ម៉េង​ គឹមហួយ​ ប្រធានមន្ទីរកិច្ចការនារីខេត្ត​ នាព្រឹកថ្ងៃទី១១​ ខែធ្នូ​ ឆ្នាំ២០២៤​ ។ លោកហុឹល​ រ៉ាយ៉ា​ ខេត្តបន្ទាយមានជ័យនិងលោកជំទាវ​ ម៉ាន​ ចិន្ដា​រដ្ឋលេខាធិការក្រសួងកិច្ចការនារី​ បានមានប្រសាសន៍ថា​ ប្រទេសកម្ពុជាបានខិតខំប្រឹងប្រែងយ៉ាងខ្លាំងក្នុងការកាត់បន្ថយមរណភាពមាតាទារកនិងកុមារ​ តាមរយៈការផ្ដល់សេវាពន្យារកំណើត​ ឬផែនការគ្រួសាររម្លូតកូន​ ដោយសុវត្ថិភាព​ សុខភាព យុវវ័យ​  ការថែទាំទារកមុននិងក្រោយសម្រាល​ ការបង្ការការចម្លងមេរោគអេដស៍ពីម្តាយទៅកូនការផ្តល់វ៉ាក់សាំងបង្ការជំងឺការព្យាបាលជំងឺផ្លូវដង្ហើម​ ស្រួច​ និងជំងឺរាករូសលើកុមារការកាត់បន្ថយបញ្ហាអាហារូបត្ថម្ភការកាត់បន្ថយនូវអត្រាក្រិសក្រិនក្នុង ការលើកកម្ពស់អាហារូបត្ថម្ភសម្រាប់ស្ត្រីមានផ្ទៃពោះអាចលើកទឹកចិត្តការបំបៅទឹកដោះម្តាយតែមួយគត់ព្រមទាំងផ្តល់នូវអាហារបន្ថែមចម្រុះដល់ទារក​ និងកុមារតូចតូចឲ្យបានគ្រប់​ ការផ្តល់បន្ថែមជីវជាតិអាហារមានជីវជាតិដែកការគ្រប់គ្រងជំងឺឆ្លងពិសេសមេរោគអេដស៍ ជម្ងឺអេដស៍របេង​ និងគ្រុនចាញ់ដើម្បីកែលម្អសុខភាពរបស់ប្រជាជនកម្ពុជា។ លោកជំទាវបានបន្តថា​ ក្រសួងកិច្ចការនារីបានយកចិត្តទុកដាក់ក្នុងការលើកកម្ពស់ស្ថិរភាពនិងសុខុមាលភាពរបស់ស្ត្រីដែលបានរៀបចំផែនការយុទ្ធសាស្ត្រប្រចាំ​ ៥ឆ្នាំដែលជា​ ផែនការនារីរតនៈ​ ដែលផ្ដោតសំខាន់លើការពង្រឹងសមត្ថភាពនិងអភិវឌ្ឍន៍ធនធានមនុស្ស​ អន្ដរជាតិនិងថ្នាក់ក្រោមជាតិត្រូវលើកកម្ពស់ការយល់ដឹងរបស់ប្រជាជនគោលដៅជាពិសេសស្ត្រីនិងកុមារស្ដីពីយេនឌ័រនិងសុខភាពបន្តពូជសុខភាពផ្លូវចិត្តសន្តិសុខស្បៀងនិងអាហារូបត្ថម្ភការបង្ការនិងទប់ស្កាត់ជំងឺឆ្លងនៃជំងឺមិនឆ្លង ចិត្តក្នុងការទទួលបាននូវសេវាសុខភាពប្រកបដោយគុណភាពប្រសិទ្ធភាព​ ទាន់ពេលវេលា​ និងបរិយាប័ន្ន។ ជាមួយគ្នានេះផងដែរយើងក៏ត្រូវគិតគូរផងដែរពីការបម្រែបម្រួលអាកាសធាតុដែលនឹងប៉ះពាល់ដល់សុខភាពសន្តិសុខស្បៀងនិងអាហារូបត្ថម្ភ​ និងជីវភាពរស់នៅរបស់ប្រជាពលរដ្ឋជាពិសេសស្ត្រីកុមារនិង ជនងាយរងគ្រោះដូចជាជនពិការ​ ជនចាស់ជរាជាដើម។