ឯកឧត្តមពេជ្រវណ្ណាប្រធានការិយាល័យទំនាក់ទំនងព្រំដែនកម្ពុជា-ថៃដឹកនាំកម្លាំងសហការជាមួយអង្គភាពពាក់ព័ន្ធទទួលស្វាគមន៍ការធ្វើដំណើរ របស់ ប្រជាពលរដ្ឋមកលេងស្រុកកំណើត មកតាមច្រកទ្វារអន្តរជាតិប៉ោយប៉ែតក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ..!

 

បន្ទាយមានជ័យ ៖ នៅព្រឹកថ្ងៃ ទី០៣ ខែ មេសា ឆ្នាំ ២០២៥ នេះឯកឧត្ដម ឧត្តមសេនីយ៍ទោ ពេជ្រ វណ្ណា នាយករងទីចាត់ការ ការងារព្រំដែន អគ្គបញ្ជាការ ប្រធានការិយាល័យទំនាក់ទំនងព្រំដែនកម្ពុជា-ថៃ បានសហការនិង ស្ថាប័នមានការពាក់ព័ន្ធ ដោយមានការអញ្ជើញចូលរួមពីអាជ្ញាធរក្រុងប៉ោយប៉ែតនិងអង្គភាព ស្ថាប័នមានការពាក់ព័ន្ធក្នុងខេត្តបន្ទាយមានជ័យជាច្រើនទៀត ទទួលស្វាគមន៍ការធ្វើដំណើរមកលេងស្រុកកំណើត និងជួយសម្រួលពន្លឿនក្នុងការឆ្លងដែនរបស់បងប្អូនពលករ ពលការិនី ក្នុងឪកាសពិធីបុណ្យចូលឆ្នាំថ្មីប្រពៃណីជាតិ ខ្មែរ នាពេលខាងមុខ និងបន្តចែកជូន ក្នុងនោះម្នាក់ៗ ទទួលបាន ក្រមា ០១ ទឹកបរិសុទ្ធ ០១ដប នំបុ័ង ០១ដើម ។

ក្នុងឱកាសនោះផងដែរ ឯកឧត្តម ឧត្តមសេនីយ៍ទោ ពេជ្រវណ្ណា បានសួរសុខទុក្ខដល់បងប្អូនពលករ ដែលត្រឡប់មកលេងស្រុកកំណើត និង សូមឲ្យបងប្អូនពលករធ្វើដំណើរត្រឡប់ទៅស្រុកប្រកបដោយសុវត្ថិភាព ដើម្បីជួបជុំគ្រួសារ នៅក្នុងឱកាស ថ្ងៃបុណ្យចូលឆ្នាំថ្មី ប្រពៃណីខ្មែរយើង ។ខាងមុខនេះ។  

ក្រោមការយកចិត្តទុកដាក់ដ៍ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួយសម្រួលឲ្យបងប្អូនពលករវិលត្រឡប់មកវិញតាមច្រកទ្វារអន្តរជាតិប៉ោយប៉ែត ដោយលើកលែងតម្លៃសេវា លិខិតឆ្លងដែន/លិខិតធ្វើដំណើរពលករកម្ពុជាទៅធ្វើការនៅបរទេស  និងមានទិដ្ឋាការដែលមានសុពលភាពក្រោយថ្ងៃទី១៥ ខែឧសភា ឆ្នាំ២០២៤។ជាមួយការសម្របសម្រួលនេះ ក្រុមការងារបានបន្ត ផ្តល់ជាកន្សែង១ នំប៉័ង១ដើម និងទឹកសុទ្ធ១ដប ជូនដល់ពលករឆ្លងដែនក្នុងថ្ងៃទី ២នេះ មានបងប្អូន ពលករ កម្មករ កម្មការិនី ជាច្រើននាក់ ចូលមកតាមច្រក់ទ្វារអន្តរជាតិប៉ោយប៉ែត។