ការគឹតគូរអំពីសុខមាលភាពរបស់ប្រជាពលដ្ឋអ្នកប្រើប្រាស់ទំនិញនៅលើទីផ្សារគឺជាកិច្ចការសំខាន់ដែលត្រូវមានការចូលរួមពីភាគីពាក់ព័ន្ធ ពិសេសគឺភាពសុច្ចរិតរបស់អ្នកលក់ទំនិញជាសំខាន់
(បាត់ដំបង)នៅថ្ងៃទី០៩ ខែ មេសា ឆ្នាំ២០២៥ ដោយបានការអនុញ្ញាតពីលោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង កម្លាំងការិយាល័យនគរបាលប្រឆាំងបទល្មើសសេដ្ឋកិច្ច បានសហការជាមួយមន្រ្តីសាខា(ក.ប.ប)ខេត្តបាត់ដំបង និងមន្រ្តីនៃមន្ទីរពាណិជ្ជកម្មខេត្តចុះត្រួតពិនិត្យទំនិញ គ្រឿងឧបភោគ បរិភោគ និងទំនិញវេចខ្ចប់ស្រាប់ តាមផ្ទះ និងតូបលក់ទំនិញនៅផ្សារចំនួន០២គឺ៖
១-ផ្សារពោធិ៍វង្ស៖ ស្ថិតនៅភូមិចំការសំរោង សង្កាត់ចំការសំរោង ក្រុងបាត់ដំបង បានចំនួន ០៨តូបក្នុងផ្សារ និង ផ្ទះលក់ទំនិញជុំវិញផ្សារបាន០៦ផ្ទះ ។
២-ផ្សារសំរោងក្នុង៖ ស្ថិតនៅភូមិសំរោងក្នុង ឃុំសំរោងក្នុង ស្រុកឯកភ្នំ ខេត្តបាត់ដំបងបានចំនួន០៦តូបក្នុងផ្សារ និងផ្ទះលក់ទំនិញជុំវិញផ្សារ បានចំនួន០៥ផ្ទះ។
ក្នុងសកម្មភាពនេះមន្រ្តីជំនាញពុំបានរកឃើញទំនិញ ហួសកាលបរិច្ឆេទ ប្រើប្រាស់ និងខូចគុណភាពឡើយ ជាមួយនេះមន្រ្តីជំនាញបានធ្វើការអប់រំណែនាំផ្សព្វផ្សាយ នូវនីតិវិធី ឯកសារគតិយុត្ត ដែលពាក់ព័ន្ធទំនិញ ព្រមទាំងបិទ និង ចែកផ្ទាំង POSTER បានចំនួន២០ផ្ទាំង ជូនដល់អាជីវករ លក់ដូរនៅទីនោះផងដែរ៕
Post a Comment