ឯកឧត្តម កែ គឹមយ៉ានចូលរួម ពិធីបុណ្យបញ្ចុះខណ្ឌសីមា និងសម្ភោធឆ្លងព្រះវិហារថ្មី នៅវត្តរភននិមិត្ដសំពៅផលដាក់ឲ្យប្រើប្រាស់ជាផ្លូវការ ខេត្តបន្ទាយមានជ័យ...!

 

ព្រឹក ថ្ងៃទី ៣ ខែ មេសា ឆ្នាំ ២០២៥នេះ ក្នុងស្រុកមង្គលបូរី បានធ្វើពិធីបុណ្យបញ្ចុះខណ្ឌសីមា និងសម្ភោធឆ្លងព្រះវិហារថ្មី នៅវត្តរភននិមិត្ដសំពៅផល ដាក់ឲ្យប្រើប្រាស់ជាផ្លូវការស្ថិតក្នុង ភូមិព្រែកសំរោង ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។ពិធីនេះមានការចូលរួម  ឯកឧត្តម កែ គឹមយ៉ាន អ្នកតំណាងរាស្ត្រមណ្ឌលខេត្តបន្ទាយមានជ័យ លោកជំទាវឧកញ៉ា ម៉ៅ មាល័យ កែ គឹមយ៉ាន លោកអ៊ុំ រាត្រី អភិបាលខេត្តបន្ទាយមានជ័យ លោករ័ត្នដាសុីសីណង់អភិបាលស្រុកមង្គលបូរី ព្រះមេគណខេត្ត ព្រះចៅអធិការវត្ត ព្រះសង្ឃ  លោកជំទាវសប្បុរសជន ថ្នាក់ដឹកនាំមន្ត្រីរាជការ អង្គភាពទាំង៣  ប្រជាពុទ្ធបរិស័ទ សិស្សានុសិស្សជាច្រើនពាន់នាក់ ។

ជាកិច្ចចាប់ផ្តើម ព្រះគ្រូចៅអធិការវត្តព្រះនាម ធិតគុណោ កេ ភីរ៉ា បានមានសង្ឃិការថា វត្តរតននិមិត្តសំពៅផលនេះ  មានផ្ទៃក្រឡាសរុប ១២៧ម៉ែត្រ  មានបណ្ដោយប្រវែង ១៨៤ម៉ែត្រ និងទទឹងប្រវែង២៣,៣៦៨ ម៉ែត្រក្រឡា វត្តនេះ ផ្ដើមកសាងនៅអំឡុងឆ្នាំ១៨៦៦ ក្រោមការដឹកនាំកសាង ដោយព្រះគ្រូ ព្រះបាឡាត់ ភន ព្រះមហា ធួន ជាវត្តខាងគណៈធម្មយុត្តិកនិកាយ ក្នុងវត្ត មានសង្ឃ ៩ព្រះអង្គ ក្នុងនោះជាភិក្ខុចំនួន ៣ព្រះអង្គ ព្រះចៅអធិការវត្តគ្រប់ជំនាន់ បានខិតខំកសាង

គណៈកម្មការវត្ត ពុទ្ធបរិស័ទ សប្បុរសជនក្នុង និងក្រៅប្រទេស កសាងបានសមិទ្ធផលរួមមាន ព្រះវិហារ សាលាធម្មសភា ស្ពានថ្មឆ្លងស្ទឹង សាលារៀន ផ្លូវបេតុង ឈាបនដ្ឋាន របងវត្ត ខ្លោងទ្វារ កុដិ ស្រះទឹកផែទឹក អាងទឹក បន្ទប់អនាម័យ និងមណ្ឌលពោធិព្រឹក្ស ដើម្បីបម្រើផលប្រយោជន៍ ដល់ព្រះពុទ្ធសាសនា មកដល់សព្វថ្ងៃនេះ អាចារ្យ ព្រះភិក្ខុធិតគុណោ កេត ភីរ៉ា បានដឹកនាំកសាងនូវសមិទ្ធផលថ្មីបន្ថែមទៀត មានដូចជា កែលម្អឧបដ្ឋានសាលា ជាប់សាលាធម្មសភា ឲ្យទូលំទូលាយ ព្រះវិហារ សាលាធម្មសភា កុដិ សាលារៀន ខ្លោងទ្វារ របងវត្ត មានព្រះសង្ឃគង់នៅសិក្សារៀនសូត្រ ក្លាយជាបញ្ញាជនជាច្រើនរូប វត្តរតននិមិត្តសំពៅផល ដោយបានពិនិត្យមើលឃើញព្រះវិហារចាស់មានសភាពទ្រុឌទ្រោម ក៏បានដឹកនាំពុទ្ធបរិស័ទ សប្បុរសជន ទាំងក្នុង និងក្រៅប្រទេស កសាងព្រះវិហារថ្មី ដែលមានបណ្តោយប្រវែង ២២ម៉ែត្រ ទទឹងប្រវែង ១២,៤៥ម៉ែត្រ មានរចនាបទខ្មែរសុទ្ធសាធ បានផ្តើមកសាងនៅថ្ងៃទី២៥ ខែកញ្ញា ឆ្នាំ២០២២ បញ្ចប់ការសាងសង់ជាស្ថាពរនៅដើមឆ្នាំ២០២៥ ដោយចំណាយថវិកាសរុប ៣២៨.៤៤១ដុល្លា ហើយសមិទ្ធផលទាំងអស់នេះ នឹងសម្ពោធដាក់ឱ្យប្រើប្រាស់ជាផ្លូវការ ក្នុងអំឡុងឆ្នាំ ១៩៧៥-១៩៧៩ របប ប៉ុល ពត សមិទ្ធផលក្នុងវត្តត្រូវបានបំផ្លិចបំផ្លាញស្ទើរគ្មានសល់សល់តែកុដិឈើ ២ខ្នង សាលាធម្មសភា ១ខ្នង តែប៉ុណ្ណោះ។

ក្នុងនោះលោករ័ត្នមដា សុីណង់ បានមានប្រសាសន៍ថា ក្រោមការដឹកនាំដ៏ត្រឹមត្រូវរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើឱ្យប្រទេសកម្ពុជា ទទួលបាននូវ សុខសន្តិភាព និងការអភិវឌ្ឍន៍រីកចម្រើនឈានឡើងលើគ្រប់វិស័យ ក្នុង ស្រុកមង្គលបូរី សព្វថ្ងៃ នេះ មាន សន្តិសុខ សណ្តាប់ធ្នាប់មានលក្ខណៈល្អប្រសើរ ដោយមានការយកចិត្តទុកដាក់ខ្ពស់ពីថ្នាក់ដឹកនាំ ក្នុងការជំរុញនូវការអនុវត្តគោលនយោបាយភូមិ ឃុំ សង្កាត់មានសុវត្ថិភាព ធ្វើឲ្យគ្រប់រូបភាពនៃបទល្មើស មានការ ថយចុះ និងបង្ក្រាបបានទាន់ពេលវេលា។

ឯកឧត្តម កែ គឹមយ៉ានបានមានប្រសាសន៍ថា ការលះបង់ឋវិកានិងកំលាំងកាយចិត្តចូលរួមកសាងសមិទ្ធិផលក្នុងវត្ត រភននិមិត្ដសំពៅផលនេះ សប្បុរសជន ញាតិមិត្តដែលបានបរិច្ចាគ សទ្ធាជ្រះថ្លាជាថវិកា និងកំលាំងកាយចិត្តនេះ ដើម្បីឲ្យប្រជាពលរដ្ឋចូលមកធ្វើបុណ្យទានឲ្យបានស្រួលនិងប្រែក្លាយទីវត្តអារាមជាកន្លែងថ្នាលបណ្តុះបណ្តាលមនុស្សជំនាន់ក្រោយឲ្យក្លាយទៅជាធនធានមនុស្សដែលជាតិត្រូវការចាំបាច់។

ពុទ្ធបរិស័ទបានកសាងក្នុងវត្តនេះ អ្នកនោះជាតិមុខនិងក្លាយទៅជា រូបសម្ផស្សស្អាត និងមានធនធានទ្រព្យសម្បត្តិស្តុកស្តម្ភ ក្លាយទៅជាអ្នកប្រាជ្ញ និងកុង្សីមន្ត្រីទៀតផង។

ព្រោះវត្តជាកន្លែងរក្សាទុកនូវវប្បធម៌ ប្រពៃណីទំនាមទំលាប់សីលធម៌ ចរិយាធម៌ និងប្រកបដោយគុណធម៌និងសំរាប់សមណសិស្សរៀនសូត្រគ្រប់មុខវិជ្ជាដើម្បីបានបុណ្យទាំងអស់គ្នាទៀតផងហើយព្រះវិហារជាកន្លែងព្រះពុទ្ធសាសនាជាទីគោរពសក្ការៈនិងជាប្រភពបណ្តុះបណ្តាលនូវបញ្ញាញាណនិងជាថ្នាបណ្តុះបណ្តាលធន់ធានមនុស្សគ្រប់សម័យកាលទៀតផង ។តាមប្រវត្តិសាស្ត្របានបង្ហាញឲ្យឃើញថាទីវត្តអារាមបានរួមចំណែកក្នុងការកសាងសង្គមជាតិមួយប្រកបដោយសីលធម៌ ចរិយាធម៌ និងប្រកបដោយគុណធម៌ និងជាទីកន្លែងដែលរក្សាទុកនូវវប្បធម៌ ប្រពៃណីទំនាមទំលាប់ដែលបុព្វបុរសខ្មែរកត់ត្រាទុកពីជំនាន់មួយទៅជំនាន់មួយសម្រាប់មនុស្សជំនាន់ក្រោយ ពិសេសទៅទៀតទីវត្តអារាមជាកន្លែងបណ្តុះនូវធន់ធានមនុស្សដែលពោពេញទៅដោយចំណេះដឹងទាំងផ្លូវលោក និងផ្លូវធម៌និងប្រកបដោសមនសិការជាតិហើយសព្វថ្ងៃនេះរដ្ឋាភិបាលកំពង់លើកតំកើងព្រះពុទ្ធសាសនាឲ្យមានការរីកចំរើនជាងវិស័យដទៃទៀតឲ្យសក្តិសមជាទីកន្លែងគោរពបូជានៃពុទ្ធបរស័ទផងដែរ៕