កាកបាទក្រហមកម្ពុជា ផ្តល់អំណោយ មនុស្សធម៌ ដល់គ្រួសារសព លោកមាស សាវ៉ាង ដែលបាន ទទួល មរណភាពដោយគ្រោះរញ្ជួយដីនៅប្រទេសថៃ
រសៀលថ្ងៃទី២ ខែមេសា ឆ្នាំ២០២៥ ឯកឧត្ដម ជូឡាណា អគ្គលេខាធិការរងទី២ របស់កាកបាទក្រហមកម្ពុជានិងលោកវេជ្ជបណ្ឌិត អ៊ុយ សំអាត អគ្គនាយកដ្ឋានគ្រប់គ្រងមហន្តរាយកាកបាទក្រហមតំណាងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ប្រធានកាកបាទក្រហមកម្ពុជា បានអញ្ជើញចុះសួរសុខទុក្ខក្រុមគ្រួសារនៃសពលោកមាស សាវ៉ាង អាយុ ២៣ឆ្នាំដែលបានទទួលមរណៈភាពកាលពីថ្ងៃសុក្រទី២៨ ខែមីនា ឆ្នាំ២០២៥ ដោយឧបទ្ទវហេតុគ្រោះធម្មជាតិរញ្ជួយដីខណៈដៃកំពុងធ្វើការនៅប្រទេសថៃ។ ក្នុងនោះ យកនូវអំណោយមនុស្សធម៌មកផ្តល់ជូនដល់ក្រុមគ្រួសារដែលស្ថិតនៅក្នុងឃុំតាគង់ស្រុកម៉ាឡៃខេត្តបន្ទាយមានជ័យក្នុងនាមកាកបាទក្រហមកម្ពុជាសូមចូលរួមរំលែកទុក្ខចំពោះក្រុមគ្រួសារនៃសពដោយក្តីសង្វេគព្រមទាំងសោកស្ដាយស្រណោះអាឡោះអាល័យជាទីបំផុតចំពោះការបាត់បង់ កូនប្រុសជាទីស្រឡាញ់របស់ឪពុកម្ដាយជីដូនជីតាបងប្អូនញាតិមិត្តជាទីស្រឡាញ់ប្រកបដោយគុណធម៌។ ឯកឧត្តមបន្តថាក្នុងវិស័យមនុស្សធម៌ កំពុងដើរតួនាទីកាន់តែមានការទទួលខុសត្រូវធ្វើឡើងពីមួយឆ្នាំទៅមួយឆ្នាំដើម្បីធានានូវការឆ្លើយតបចំពោះបញ្ហាគ្រោះហន្តរាយធម្មជាតិ ដែលតែងតែកើតមានស្ទើររៀងរាល់ឆ្នាំដូចនេះកាកបាទក្រហមកម្ពុជាត្រូវរំពឹងលើការចូលរួមជួយឧបត្ថម្ភគាំទ្រទាំងប្រាជ្ញាស្មារតីសម្ភារៈនិងថវិកាជាកម្លាំងមនុស្សធម៌ពីសប្បុរសជនឲ្យកាន់តែច្រើនសម្រាប់ទ្រទ្រង់ដល់ក្រុមប្រតិបត្តិគ្រប់លំដាប់ថ្នាក់បានបំពេញបេសកកម្មបានច្រើនជាងមុន ប្រសិទ្ធភាពហើយការផ្តល់សម្ភារៈអំណោយមនុស្សធម៌នេះថ្ងៃនេះសាខាកាកបាទក្រហមកម្ពុជាមិនប្រកាន់ពូជសាសន៍ឬនិន្នាការនយោបាយអ្វីឡើយពីណាបងប្អូនជួបការលំបាកទីនោះតែងតែមានកាកបាទក្រហមជានិច្ច អំណោយដែលបានផ្តល់ជូនដល់ក្រុមគ្រួសារពេលនេះ រួមមានអង្ករ មី ទឹកត្រី ទឹកស៊ីអ៊ីវ ត្រីខកំប៉ុងភេសជ្ជៈ ថវិការបស់កាកបាទក្រហមកម្ពុជា ២០លានរៀល និងថវិការបស់សាខាកាកបាទក្រហមខេត្តចំនួន ១លានរៀល។
Post a Comment