អបអរសាទរខេត្តបន្ទាយមានជ័យទទួលបានជ័យលាភីជាខេត្តបញ្ចប់ការបន្ទោរបង់ពីវាលពាសកាលODF.

 

បន្ទាយមានជ័យ÷នៅព្រឹកថ្ងៃទី១ ខែ មេសាឆ្នាំ២០២៥ នេះ ឆាយឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញជាអធិបតីភាពក្នុងពិធីប្រកាសទទួលស្គាល់ខេត្តបន្ទាយមានជ័យជាខេត្តបញ្ចប់ការបន្ទោរបង់ពាសវាលពាសកាល ODF ដោយមានការអញ្ជើញចូលរួមពីសំណាក់ឯកឧត្តមប្លែកវារីប្រធានក្រុមប្រឹក្សាខេត្ត  ឯកឧត្តមអ៊ុំរាត្រីអភិបាលខេត្តបន្ទាយមានជ័យ លោកប្រធាននិងអនុប្រធានមន្ទីរអភិវឌ្ឍន៍ជនបទ លោកលោកស្រីជាអភិបាលអភិបាលក្រុងស្រុកទាំង ៩ មន្ត្រីនៃមន្ទីរពាក់ព័ន្ធ អង្គការទស្សនៈពិភពលោកអង្គការដៃគូជាតិនិងអន្តរជាតិលោកគ្រូអ្នកគ្រូសិក្សាអ្នកសិស្សចូលរួមយ៉ាងច្រើនកុះករ។

ក្រោយពីបានដង្ហែរពានជ័យលាភី ទីប្រជុំជននៃក្រុងសេរីសោភ័ណនិងបានចូលមកសួនតេជោឈ្នះឈ្នះក្នុងវេទិកាខេត្តបន្ទាយមានជ័យរួចមករដ្ឋមន្ត្រីក្រសួងអភិវឌ្ឍន៍ជនបទក៏បានបើកវាំងននទទួលស្គាល់ខេត្តបន្ទាយមានជ័យជាបញ្ចប់ការបន្ទោរបង់ពីវាលពាសកាល ODF តែម្តង។

ក្នុងឱកាសនោះឯកឧត្តមអ៊ុំរាត្រីអភិបាលខេត្តបន្ទាយមានជ័យបានឡើងអាចរបាយការណ៍សង្ខេបស្ដីពីវឌ្ឍនភាពនិងការរីកចំរើនរបស់ខេត្ត បន្ទាយមានជ័យ រហូតឈានដល់ការទទួលបានជ័យលាភី ជាខេត្ត បញ្ចប់ការបន្ទោរបង់ពីវាលពាសកាលODF នេះគឺដោយសារតែ ការដឹកនាំដ៏ត្រឹមត្រូវរបស់ រាជរដ្ឋាភិបាល នឹងសុខសន្តិភាព នឹងកិច្ចខិតខំ ប្រឹងប្រែង របស់មន្ទីរអង្គភាពពាក់ព័ន្ធនឹងអង្គការដៃគូ

ផងដែរទើបខេត្តបន្ទាយមានជ័យទទួលបានសម្ធិផលត្រចះត្រចង់ដូចថ្ងៃនេះ។

ឯកឧត្តម ឆាយឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានថ្លែងថា÷អបអរសាទរខេត្តបន្ទាយមានជ័យដែលបានជាប់ជ័យលាភីជាខេត្តទី ១៨នៃការបញ្ចប់ការបន្ទោរបង់ពីវាលពាសកាល ODF

ឯកឧត្តមបានបញ្ជាក់ថាក្រោមម្លប់សន្តិភាពប្រទេសកម្ពុជាមានការអភិវឌ្ឍន៍ជាបន្តបន្ទាប់។ក្នុងនោះដែរក្រសួងអភិវឌ្ឍន៍ជនបទបានដាក់គោលការណ៍គ្រឹះសំខាន់ៗ ដូចជាហេដ្ឋារចនាសម្ព័ន្ធ នៅតាមបណ្ដាលក្រុងស្រុកឃុំសង្កាត់ ក្នុងនោះដែរក៏មានការ យកចិត្តទុកដាក់ទៅដល់បញ្ហាអនាម័យសុខភាពរបស់ប្រជាពលរដ្ឋទៅលើទឹកស្អាតនិងការប្រើប្រាស់ បង្គន់អនាម័យ ផងដែរ។

ឯកឧត្តម ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានធ្វើការកោតសរសើរ ចំពោះរដ្ឋបាលខេត្តបន្ទាយមានជ័យ ដែលបានខិតខំប្រឹងប្រែងយ៉ាងសកម្មក្នុងការលើកកម្ពស់អនាម័យជនបទ រហូតខេត្តបន្ទាយមានជ័យសម្រេចបានជា ខេត្តបញ្ចប់ការបន្ទោបង់ពាសវាលពាសកាល ។